Katër të mitur kanë rrezikuar të mbyten duke u larë në det pasditen e së dielës në zonën e Vilë Bashtovës në Kavajë.
Të miturit të moshave 11, 12 dhe dy nga 13 vjeç u shpëtuan nga pushuesit e tjerë dhe u dërguan menjëherë në spital.
Stafi i urgjencës mjekësore të Kavajës i ka transportuar 4 të miturit në spitalin e Durrësit dhe ndodhen nën kujdesin e mjekëve, jashtë rrezikut për jetën.
Grupi hetimor po punon për sqarimin e rrethanave të ngjarjes e cila fatmirësisht përfundoi pa humbje jete.
