Shqipëria
Territori Shqiptar do të vijojë të jetë në mbizotërimin e kushteve të qëndrueshme atmosferike edhe përgjatë ditës së premte, ku në pjesën e parë të ditës do të ketë dominim të kthjellimeve në pothuajse të gjithë vendin.
Por pritet të ketë dhe kalime të pakta vranësirash në zonat malore. Ndërsa orët e pasdites dhe mbrëmjes do të shfaqin vranësirat kalimtare edhe në pjesën tjetër të territori, por më të dukshme vranësirat parashikohet të mbeten në zonat përgjatë kufirit Lindore.
Temperaturat parashikohen të varjojnë nga 19 në zonat malore e deri në 25 °C në zonat e ulëta.
Era do të fryjë me drejtim veiperëndim-juglindje me shpejtësi mesatare 1-8m/s, ndërsa përgjatë brigjeve detare deri 10m/s. Valëzimi në dete do të jetë i forcës 1-2ballë.
Kosova
Vijojnë masat ajrore të qëndrueshme do të jenë dominuese në të gjithë territorin e Kosovës, duke sjellë gjatë paradites intervale të gjata me kthjellime në të gjithë vendin të cilat më të dukshme pritet të jenë në zonat Jugperëndimore. Ndërsa pjesa e dytë e ditës në Kosovë do të ketë kalime të pakta vranësirash, ku më të theksuara vranësirat do të jenë në zonat Veriore.
Maqedonia e Veriut
Republika e MV përgjatë ditës së premte do të jetë në dominimin e motit të qëndrueshëm duke bërë që të ketë dominim të kthjellimeve dhe kalime të pakta vranësirash. Parashikohet që kthjellimet të jenë më të dukshme në pjesën e para të ditës në zonat perëndimore. Ndërsa orët vijuese do të sjellin kalime të pakta vranësirash në për territor të cilat më të dukshme do të jenë në zonat Verilindore. /MeteoAlb
