Nga Erion Murataj
Vazhdon të mos surprizojë partia që hallin e liderit apo listës ta bëjë hall të hallexhinjve .
E pasi i ka futur në hall këta të fundit, s’u del as për zot se për bukë s’po pyet njeri.
Për partinë cilado qoftë e trinomit , hallexhijntë jo vetëm hanë bar por japin dhe jetën.
Po dy lajmet që vijnë nga Elbasani janë mbresëlënës .
Njëra parti mbush autobuza për hallin e një djali 80 vjeçar, tjetra kërkon burrë për vajzën gjunjë gjakosur, pse jo e në Lefkadha apo Londër, se në Shqiperi nuk i del dot zot .
Problem mbeten ata që janë të neveritur me këtë panoramë .
Ata që kanë dinjitet dhe nuk kanë hall partie por hall kanë të nesërmen.
Ata që nuk marrin kërrnallen për hallin e play boyt 32 vjeçar të politikës e as kanë hall nga i vjen dhëndri baftezi .
Ata janë halli i vërtet se kanë sfidën e halleve të pragut , sepse kanë hall të ndërtojnë jetën me atë që kanë zgjedhur apo do zgjedhin , ata që duan të rrisin me dinjitet fëmijën e tyre ose ata që duan ta bëjnë vetë një fëmijë e jo t’ua bëjë partia se helbete ka dhe njerëz që kanë kshu tabu-sh .
Edhe pse partia, cilado qoftë propagandon shoqërinë e hapur, ka edhe nga ata që zgjedhin ta kenë të mbyllur .
Demokracia ta mundëson këtë po e ke moralin e të tjerat lart.
Sa për të shqyerit e partisë cila do qoftë kjo e trinomit .
Ne të mbyllurit ju urojmë hapje të mbarë e amin ju bekon partia me një djalë .
Protestën ata që duan e bëjnë aty ku janë, s’kanë nevojë për hallet e play boy – ve 80 vjeçarë që ti hipin në autobusa të bëjnë dasëm me panine.
Kurse për krahun tjetër vazhdoj t’ua them :
Zoti u shtoftë inatin e takatin duke ju kujtuar edhe një shprehje që e keni qejf.
MOS HARRONI GRUSHTIN E FUNDIT !
