Paul Pogba shpresonte ta festonte 29-vjetorin e tij në një mënyrë tjetër, por Atletico Madrid ia prishi planet. Francezi u vu në pikëpyetje nga trajneri gjerman pak më shumë se 20 minuta nga fundi, por kontributi i tij nuk i ndihmoi “Djajtë e Kuq” ta barazojnë ndeshjen dhe të vazhdojnë rrugëtimin e tyre në Champions League.
Ndër të parët e pakënaqur në bilbilin e trefishtë, së bashku me Cristiano Ronaldon, Pogba përfundoi sërish nën akuzë për paraqitjet e tij aspak emocionuese me fanellën e kuqe. Gishtin e drejtoi nga francezi i lindur më 1993 edhe bashkëkombasi Marcel Desailly, i cili analizoi ndeshjet e fundit të Pogba dhe e akuzoi atë si dembel.
Për ish-milanistin, në fakt, mesfushori duhet të kufizohet në atë që është rreptësisht e nevojshme në fushë dhe kur rezultatet nuk vijnë, është e lehtë ta fajësosh atë: “Nëse e lejoni të jetë pas Ronaldos, ai do përfiton prej tij. Paul kurrë nuk do të tërhiqet për ta ndihmuar skuadrën, në krahasim me Fred ose McTominay është shumë më dembel.
Sigurisht që është më i talentuar, por ndonjëherë nuk i jep ekipit atë që i nevojitet. Pogba nuk është i disiplinuar”. Fjalët e Desailly për “beIn Sport” kundër bashkatdhetarit të tij janë të ashpra, por ato iu shërbejnë drejtuesve të Manchester United për të marrë vendimet e duhura mbi të ardhmen.
Me kontratën e tij që skadon qershorin e ardhshëm, Pogba shikon përreth dhe kërkon destinacionin e duhur për pjesën tjetër të karrierës. 29-vjeçari nuk i fshihet idesë për t’u rikthyer te Juve.
