Policia e Fierit ka arrestuar 5 persona në orët e fundit, njeri prej të cilëve i shpallur në kërkim për përndjekje, i identifikuar si shtetasi Haxhi Hoxha.
Shtetasi Dritan Kasëmi u arrestua për dhunë në familje, veper per te cilen u arrestua dhe Kevin Sota. Ndersa n nga qarkullimi rrugor u arrestuan shtetasit Ylli Rabja dhe Xhuljan Craga.
Njoftimi:
DVP Fier
Vihen në prangat e Policisë 5 shtetas, 1 i cili ishte në kërkim për “Përndjekje”, 2 u arrestuan për “Dhunë në familje” dhe 2 u arrestuan nga qarkullimi rrugor.
Specialistët për Hetimin e Krimeve në Komisariatin e Policisë Fier kapën dhe ndaluan shtetasin e shpallur në kërkim H. H., 60 vjeç, banues në Peshtan i Madh, Fier, pasi Gjykata e Shkallës së Parë Fier me vendimin e datës 21.09.2021 ka vendosur masën e sigurisë “Arrest me burg” për veprën penale “Përndjekja”.
Po nga këto struktura u arrestua për veprën penale “Dhunë në familje”, shtetasi D. K., 28 vjeç, banues në Fier, pasi ka ushtruar dhunë ndaj bashkëjetueses së tij.
Specialistët për Hetimin e Krimeve në Komisariatin e Policisë Divjakë arrestuan në flagrancë shtetasin K. S., 40 vjeç, banues në Divjakë, pasi ka ushtruar dhunë fizike ndaj bashkëshortes së tij, e cila ishte e pajisur me urdhër mbrojtje.
Specialistët e Sektorit të Qarkullimit Rrugor në DVP Fier arrestuan në flagrancë shtetasit:
•Y. R., 50 vjeç, banues në Lushnjë pasi u kap nga shërbimet e Policisë duke drejtuar automjetin në gjendje të dehur.
• Xh. C., 27 vjeç, banues në Kallm, Fier, pasi në fshatin Kallm, duke drejtuar automjetin tip “Fiat” ka aksidentuar shtetasin K.S., i cili ishte duke udhëtuar me biçikletë dhe ndodhet në spital nën kujdesin e mjekëve.
Materialet i kaluan Prokurorisë, për veprime të mëtejshme.
