Është vënë në pranga një 30-vjeçar në Shkodër, i cili ka kundërshtar me dhunë punonjësit e policisë.
Gjatë konfliktit, ai ka plagosur me mjet prerës (thikë) njërin prej tyre, teksa shtetasi me inicialet P.I. u arrestua në flagrancë.
Në njoftimin e policisë thuhej:
-Në vijim të informacionit të dhënë mbrëmjen e djeshme, ku në lagjen “Guerile”, Shkodër, shtetasi P. I, 30 vjeç, (person me precedent kriminal), kundërshtoi me dhunë punonjësit e Policisë dhe dëmtoi me mjet prerës (thikë), në dorë dhe fytyrë një nga punonjësit e Patrullës së Përgjithshme, Inspektor K. Ç, të cilët kishin shkuar te banesa e këtij shtetasi pas njoftimit të marrë për dhunë në familje, ju informojmë se:
Në vijim të veprimeve hetimore të kryera nga Oficerët e Policisë Gjyqësore, u bë arrestimi në flagrancë i shtetasit P. I., 30 vjeç, banues në Shkodër, për veprën penale “Kundërshtimi i punonjësit të policisë së rendit publik”.
