Një person është plagosur me thikë nga një tjetër, pas një përleshjeje e cila ka ndodhur mëngjesin e sotëm në Prishtinë.
Rasti ka ndodhur në afërsi të rrethit, te ndërtesa e vjetër e Komunës së Prishtinës.
Zëdhënësja e policisë për rajonin e Prishtinës, Florie Ahmeti, ka deklaruar se i lënduari është dërguar për trajtim mjekësor.
“Sot rreth orës 11 :30, patrulla policore ka hasë në një përleshje fizike e cila ka ndodhë në afërsi të rrethit te ndërtesa e vjetër e Komunës së Prishtinës. Bazuar në të dhënat fillestare, në këtë rast nga një mjet i mprehtë është plagosur një person. I njëjti është dërguar për trajtim mjekësor. Policia ka arrestuar dy persona të dyshuar, ndërkohë që hetuesit policor kanë nisur një hetim lidhur me rrethanat e këtij rasti”, ka deklaruar Ahmeti.
