Prej ditesh në vendin tonë po flitet për aplikacionin “Aktiv1sti”. Ky aplikacion përdoret nga qeveria për të kontrolluar punonjësit e administratës, me qëllim për të rritur aktivitetin në rrjetet sociale.
Në dokumentin me 266 faqe renditen mijëra emra, punonjës të administratës në vend.
Sipas listës të publikuar pjesë e aplikacionit janë gjyqtarë, prokurorë në rrethe, por edhe njerëz që përbëjnë SPAK-un. Pjesë e listës janë 40 prokurorë dhe 27 gjyqtarë të cilët kanë shkarkuar aplikacionin.
Uniformat blu nuk bëjnë përjashtim. Që nga kupola e Drejtorisë së Përgjithshme të Policisë së Shtetit deri tek efektivët e sapo vendosur në detyrë, të gjithë u japin ‘like’ dhe ‘share’ postimeve të qeverisë.
Bluzat e bardha, drejtorët e institucioneve më të rëndësishme në vend, janë bërë gjithashtu pjesë e këtij programi.
