Detaje të reja janë zbardhur nga vrasja e 20-vjeçares Caroline nga bashkëshorti i saj pilot, Babis Anagnostopulos, në 11 maj në shtëpinë e tyre në periferi të Athinës.
Hetimet për të zbuluar të vërtetën zgjatën 37 ditë, pasi vetë burri i orientoi hetuesit drejt skenarit të grabitjes duke mashtruar hetuesit, por edhe vetë familjarët e të resë.
Oficerët e policisë, shkruajnë mediat në Athinë ndërtuan një marrëdhënie besimi me Babis, ndërsa në krahun tjetër Laboratorët e Mjekësisë Ligjore po punonin me shpejtësi për të mbyllur çështjen dhe për ta detyruar vrasësin të rrëfehej.
Por si u arrit deri në pikën që vrasësi i lodhur nga seancat e gjata të pyetjeve u vendos me shpatulla pas murit? “Pra, Babis, çfarë tjetër? Përsëriti hetuesi në momentin kritik të dialogut të tyre? . I mbërthyer, piloti i helikopterëve privatë, Babis Anagnostopulos, pastaj i vendosi duart mbi tryezë dhe u thye.
“Më vjen keq, më fal, unë e bëra atë” , tha ai duke u “çarmatosur”. Tashmë piloti grek është pas hekurave, ndërsa vijojnë hetimet për të zbuluar nëse ka pasur bashkëpunëtorë të tjerë në krim.
fax
