Ka rënë në prangat e policisë një 40-vjeçar i cili me qëllim për të denigruar imazhin e ish të dashurës ka hapur llogari false në rrjetet sociale.
Policia njofton se 40-vjeçari nga Tiranë kishte hapur një profil flase me emrin e ish partneres duke përdorur fotografitë e saj.
Mësohet se ky shtetas e ka bërë këtë veprim në një periudhë 7-mujore, ku me gjeneralitetet e ish të dashurës së tij, publikonte foto me përmbajtje të ndryshme, për denigrimin e imazhit të saj.
“Krijoi llogari false në rrjetet sociale, për denigrimin e imazhit të ish të dashurës së tij, identifikohet dhe arrestohet 40-vjeçari.
Specialistët e Sektorit për Hetimin e Krimeve Kibernetike, në vijim të punës për goditjen e paligjshmërive në fushën e krimeve kibernetike, pas kallëzimit nga një shtetase, se në rrjete sociale krijoheshin llogari të ndyshme me emrin dhe me fotot e saj, menjëherë kanë organizuar punën për identifikimin dhe kapjen e autorit.
Si rezultat i veprimeve të shpejta hetimore, u identifikua, u kap dhe u ndalua autori i dyshuar, shtetasi E. T., 40 vjeç, banues në Tiranë, për veprat penale “Falsifikimi kompjuterik” dhe “Ndërhyrja në të dhënat kompjuterike”.
Ky shtetas dyshohet se për një periudhë 7-mujore ka krijuar profile në rrjetet sociale, me gjeneralitetet e ish të dashurës së tij, në të cilat publikonte foto me përmbajtje të ndryshme, për denigrimin e imazhit të saj.” – njofton policia.
