Kryeministri Edi Rama ka publikuar në llogarinë e tij në Facebook disa foto nga vizita në muzeun “Uffizzi” në Firence, ku ndodhet prej ditës së mërkurë.
“Në muzeun e famshëm Uffizzi, së bashku me kardinalin shqiptar, Ernest Troshani, me ftesë të kryebashkiakut Dario Nardella”, shkroi Rama.
Kryeministri u nis të enjten drejt Firences, ku do të marrë pjesë në konferencën e 10-të të “The State of the Union”, me temë “Europa në një botë që ndryshon”.
E organizuar nga Instituti Europian i Firences, kjo konferencë do të diskutojë mbi rolin e Europës në zhvillimin botëror. Në takim do të jenë të pranishëm edhe ministri i Jashtëm italian, Luigi di Maio, e Presidentja e Komisionit Europian, Ursula Von der Layen.
Kryeministri Rama do të jetë një nga folësit e konferencës, rreth orës 15:00, ditën e enjte.
