Të paktën dy persona kanë vdekur dhe dhjetëra rezultojnë të zhdukur pasi një autostradë në jug të Brazilit u përfshi nga rrëshqitje dheu.
Shiu i madh shkaktoi rrëshqitje balte në autostradën BR-376 në qytetin Guaratuba në shtetin Parana sipas Sky News.
Nuk dihet ende fati i rreth 30 personave, ndërsa disa automjete mendohet se janë zhytur nën dhe.
Pamjet nga ajri tregojnë gjithashtu kamionë të shtrirë në anët e tyre të varur në mënyrë të frikshme në buzë të autostradës.
Pamjet e shpërndara në mediat sociale treguan shoferët që po luftonin mes baltës. Kalimi për në portin e madh për dërgesat e drithërave dhe sheqerit u ndërpre pas rrëshqitjes së dheut.
Rreth 80% e mallrave të eksportuara nga Paranagua, porti i dytë më i madh i vendit për drithërat dhe sheqerin, dërgohen me kamion.
Rruga BR-277 për në portet Paranagua dhe Antonia u mbyll pas rrëshqitjes së dheut, por pritet të rihapet të nesërmen.
Disa ditë më parë një rrëshqitje dheu vrau të paktën tre persona në ishullin Ischia në Italinë jugore, duke përfshirë edhe një të mitur rreth 5 vjeç.
