Pamjet nga qyteti Mayfield në shtetin e Kentakit, tre ditë pas tornadove të fuqishme janë të frikshme. Deri tani kanë lënë të paktën 94 persona të vdekur dhe disa të zhdukur, kryesisht punëtorë nate në fabrika.
Banorët e Mayfieldit të cilëve iu shkatërruan shtëpitë kërkojnë për sendet e tyre nën rrënoja.
Punonjësit e urgjencës amerikane kanë kryer kërkime dëshpëruese për të mbijetuar të tjerë.
Guvernatori i shtetit të Kentakit, Andy Beshear paralajmëroi se kërkimi mund të jetë i kotë.
Nga 110 punonjësit e turnit të natës në fabrikën e qirinjve në Mayfield, 40 janë shpëtuar dhe nuk jam i sigurt se do shohim të mbijetuar të tjerë tha guvernatori.
Për banorët e prekur nga tornadot u kujdes edhe një kishë lokale në Kentaki e cila strehoi disa prej tyre dhe u kthye në një qendër grumbullimi ushqimesh e sendesh.
Tornadot e fuqishme që goditën 5 shtete në Shtetet e Bashkuara të Amerikës ranë mbrëmjen e së premtes, duke u gdhirë e shtuna.
