Ish-kryeministri Sali Berisha i është gëzuar sot zyrës së re në selinë e Partisë Demokratike. Pas 9 shtatorit kur Lulzim Basha e përjashtoi nga Grupi Parlamentar dhe si rrodhën ngjarjet më pas, Berisha mbeti pa zyrë.
Madje, pas ngjarjeve të 8 janarit, kur selia blu u sulmua nga grupimi i mbështetur prej tij dhe u fortifikua nga Lulzim Basha, nuk dihet se çfarë ndodhi me zyrën e Berishës. Ku shkuan sendet personale të tij dhe dokumentet që mbante në zyrë.
Sot, zëdhënësja e Komisionit të Rithemelimit Floriana Garo, ka ndarë pamjet e Sali Berishës teksa qëndron i qeshur në zyrën e tij. “Dr. Sali Berisha ne zyren e tij ne seline e Partise Demokratike”, shkruan ajo, ndërsa bie në sy se e gjitha është e restauruar.
Megjithatë, raftet pas shpinës së doktorit shihen të gjitha bosh, ndoshta gjatë fortifikimit të selisë dhe sendet personale të Sali Berishës janë flakur.
