Bashkëshorti i Britney Spears, Sam Asghari, ka thyer heshtjen dhe ka deklaruar se kanë vendosur t’i japin fund “udhëtimit së bashku” pas 14 muajsh martesë. Një peticion divorci i paraqitur të mërkurën përmendi “dallimet e papajtueshme” midis 29-vjeçarit Asghari dhe 41-vjeçares Spears.
Ata u fejuan në shtator 2021 dhe u martuan në një ceremoni të vogël, në qershor 2022.
“Pas 6 vitesh dashuri dhe përkushtim ndaj njëri-tjetrit, unë dhe gruaja ime kemi vendosur të përfundojmë rrugëtimin tonë së bashku. Ne do të mbajmë dashurinë dhe respektin që kemi për njëri-tjetrin dhe i uroj asaj gjithmonë më të mirën. Të kërkosh privatësi duket qesharake, kështu që unë thjesht do të kërkoj që të gjithë përfshirë mediat të jenë të sjellshëm dhe të zhytur në mendime”.
Data e ndarjes së çiftit është data 28 korrik, thuhet në peticion. Thashethemet për betejat e tyre martesore u raportuan në tabloidet amerikane këtë vit.
