Policia e Sarandës ka arrestuar 38-vjeçarin e konfliktuar me mjete të forta me një person tjetër gjatë mëngjesit të sotëm.
Në pranga ka rënë Erlind Dumani, i cili u paraqit në urgjencën e Sarandës me një plagë në qafë. Por me të lënë spitalin, sulmoi me makinë 59-vjeçarin me inicialet R.B duke i shkakutar dëme materiale. Sherri mes tyre dyshohet se ka nisur për arsye banale.
Informacion nga Policia e Sarandës:
Specialistët e Hetimit të Krimit në Komisariatin e Policisë Sarandë arrestuan në flagrancë shtetasin:
-E. R., 38 vjeç, banues në Sarandë, për veprat penale “Moskallëzimi i krimit”, “Shkatërrimi i pronës” dhe “Vetëgjyqësia”, si dhe referuan materialet në Prokurorinë pranë Gjykatës së Rrethit Gjyqësor Sarandë, në ngarkim të shtetasit:
-R. B., 59 vjeç, banues në Sarandë, pasi sot, rreth mesditës, shtetasi E. R., ka parë në afërsi të portit të vjetër, në lagjen nr.4, Sarandë, shtetasin R. B.
38-vjeçari me automjetin tip “Citroën” i ka përplasur automjetin tip “Toyota” shtetasit R. B. dhe më pas ka qëlluar me gurë duke i thyer xhamin e automjetit.
Nga verifikimet e kryera ka rezultuar se shtetasi E. R. është konfliktuar fizikisht, mëngjesin e sotëm, për motive të dobëta me shtetasin R. B. Pas konfliktit, shtetasi E. R. është paraqitur për të marrë ndihmë mjekësore në spitalin e Sarandës sepse kishte pësuar dëmtime të lehta.
Materialet i kaluan Prokurorisë, për veprime të mëtejshme.
