Shtetet e Bashkuara të Amerikës kanë njohur si gjenocid, masakrat e kryera në Mianmar ndaj popullësisë myslimane, të njohur si Rohingya.
Sekretar amerikan i Shtetit, Anthony Blinken, ka njoftuar nga Muzeu Memorial i Holokaustit, se shteti i tij i njeh si gjenocid krimet e kryera të ushtrisë së Mianmarit ndaj komuniteti pakicë të Rohingyas.
“Shtetet e Bashkuara kanë konkluduar shtatë herë se është kryer gjenocid. Sot është hera e tetë. Kemi ardhur në përfundim se pjesëtarët e ushtrisë kanë kryer gjenocid dhe krime kundër njerëzimit”, ka thënë Blinken, përcjell Gazeta Express.
Në fjalimin e tij, Blinken ka tërhequr disa paralele mes krimeve të kryera nga ushtria Mianmarit ndaj popullsisë myslimane Rohingya dhe atyre të Holokaustit.
“Sulmi ndaj Rohingya ka qenë i përhapur dhe sistematik dhe kjo ka qenë kyçe për arritjen e një përfundimi se janë kryer krime kundër njerëzimit”, tha Blinken.
Të dhënat tregojnë se ka qëllim të pastër që përmes këtyre masakrave, në arrijnë ta shkatërrojnë Rohingya të tërën
“Sulmi kundër Rohingya ishte i përhapur dhe sistematik, i cili ishte vendimtar për arritjen e një vendosmërie të krimeve kundër njerëzimit,” tha Blinken. “Dëshmitë tregojnë gjithashtu se ka një qëllim të qartë prapa këtyre mizorive masive, e që është shkatërrimi komunitetit Rohingya në tërësi apo pjesërisht.”
Ushtria e udhëhequr nga Qeveria e Mianmarit është përballur me sanksione të ndryshme nga SHBA-ja, prej kur ka nisur fushatën kundër grupit etnik minoritar, Rohingya, në vitin 2017.
