Aleksandar Karadakoski, menaxheri i diskotekës “Puls” në Koçan, i cili pas zjarrit është dërguar për trajtim në Lituani, vdekur, raportojnë mediat maqedonase..Ai është viktima e 60-të e tragjedisë në Koçan dhe ishte njëri nga të dyshuarit në hetimin e zjarrit.
Në orët e para pas mesnatës së 16 marsit, në qytetin e Koçanit shpërtheu një zjarr në një lokal nate nga lëndë piroteknike gjatë një mbrëmjeje argëtuese ku si pasojë atë natë humbën jetën 59 persona dhe mbi 170 të tjerë u lënduan. Nga hetimet pas ngjarjes rezultoi se objekti në fjalë ishte i palicencuar ndërsa autoritetet nisën procedura hetimore ndaj të paktën 34 personave, mes të cilëve edhe menaxheri i lokalit Karadakoski.
I përfshirë në hetime pas zjarrit është edhe ish-ministri i Ekonomisë, Kreshnik Bekteshi, ndërsa kryetari i Komunës së Koçanit, Lupço Papazov dha dorëheqje pas incidentit tragjik.
Maqedonia e Veriut shpalli shtatë ditë zie pas tragjedisë në Koçan.
