Një sherr me sende të forta ka ndodhur në Cërrik. Mësohet se dy shtetas janë konfliktuar për motive të dobëta dhe si pasojë ka përfunduar në prangat e policisë një 47-vjeçar.
Ndërsa, të dy burrat ndodhen në spital aktualisht në kujdesin e mjekëve.
“Specialistët për Hetimin e Krimeve të Komisariatit të Policisë Cërrik arrestuan në flagrancë shtetasin 47 vjeç, banues në Belsh, pasi për motive të dobëta është konfliktuar me shtetasin 50 vjeç, banues në fshatin Dragot, duke përdorur edhe sende të forta. Të dy këta shtetas ndodhen në kujdesin e mjekëve, jashtë rrezikut për jetën”, thuhet në njoftimin e bluve.Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
