Një sasi lënde plasëse është vendosur në ambientet e jashtme të një banese në Fushë Krujë, fatmirësisht pa shkaktuar lëndime në njerëz.
Ngjarja ka ndodhur mbrëmjen e së shtunës, ndërsa policia ka nisur hetimet për zbardhjen e rrethanave të ngjarjes.
BalkanWeb ka mësuar se banesa është në pronësi të shtetasit Alfred Kurti.
Në momentin e shpërthimit në banesë ndodheshin dy vëllezërit bashkë me familjet e tyre dhe nëna e moshuar. Sipas raportimeve për BalkanWeb, dy vëllezërit merren me mobileri dhe nuk njihen si persona problematikë.
