Seanca e radhës për çështjen e “Sterilizimit” në Gjykatën e Posaçme është shtyrë për shkak të mungesës së ish-ministrit Ilir Beqaj.
Përmes një shkrese, Beqaj informoi gjykatën se nuk mund të paraqitej për arsye shëndetësore dhe kërkoi që seanca të mos zhvillohej pa praninë e tij.
Në këtë seancë, nuk ishte i pranishëm as avokati i Beqajt, as ai i të pandehurit Ilir Rrapaj. Pas kësaj, gjykata vendosi të caktojë seancën e radhës më 17 prill.
