Antimafia italiane ka arrestuar këngëtaren Elsa Lila së bashku me një grup prej 12 personash të akuzuar për trafik droge.
Sipas hetimeve, artistja bënte pjesë në rrjetin që drejtohej nga boksieri Petrit Bardhi dhe dyshohet se ka pasur rolin e llogaritares së grupit.
Siç bëjnë me dije mediet italiane, Elsa Lila, 40 vjeçe, dyshohet se mbante llogaritë e fitimeve të ardhura nga trafiku i drogës.
Ndërkohë, Ora News mëson se hetimet e operacionit kanë nisur qysh në vitin 2019.
Në total të këtij operacioni, 7 persona janë shqiptarë, ndërsa 1 shqiptar rezulton se ka ndërruar jetë e një tjetër është i shpallur në kërkim ndërkombëtar.
Deri më tani ndaj këngëtares shqiptare, Elsa Lila rëndojnë akuzuar të rënda.Në banesën e saj është sekuestruar një libër regjistër ku ishin shënuar hyrje daljet e parave që përdoreshin për trafikun e drogës.
Këngëtarja shqiptare dyshohet se ishte nën urdhrat e grupit kriminal për të mbajtur llogaritë e aktivitetit kriminal.
Këngëtarja Elsa Lila rezulton të jetë personi i besueshëm i një prej shqiptarëve anëtarë të këtij grupi kriminal.
Emri i tij është A. B. i thirrur me nofkën Rindi.
Në dosjen hetimore bazuar në përgjimet e Antimafias së Romës, Elsa Lila shfaqet si person që ofrohej për të garantuar strehim personave në kërkim e me precedent penalë, anëtarë të këtij grupi, si dhe personi që sugjeronte teknikat për t’u shpëtuar kontrollit të financës e policisë italiane.
Roli i saj ishte person i besuar i grupit të trafikantëve që trafikonin, magazinonin e tregtonin kokainë, hashash e marijuanë.
Ora tv
