Reshjet e dendura të dëborës kanë vijuar në zonat malore të qarkut Shkodër, duke krijuar vështirësi në qarkullim. Situata më problematike është shënuar në aksin Bogë – Qafë Thore – Theth, ku autoritetet kanë punuar për mbajtjen e rrugës të hapur, për shkak edhe të fluksit të lëvizjeve.
Aktualisht, qarkullimi është i mundur, por drejtuesit e mjeteve këshillohen të përdorin goma dimërore dhe zinxhirë, pasi reshjet e dëborës vijojnë.
