Shtetasi Dodë Gjoka, i cili u rrëmbye sot në autostradën Lezhë-Tiranë dhe më pas u lirua, nuk është një emër i panjohur për organet e drejtësisë.
Ai ka një histori kriminale të rëndë, pasi në vitin 2017 u arrestua për vendosjen e një gjobe prej 25 mijë euro ndaj një biznesmeni, duke e kërcënuar se do t’i vriste djalin.
Në atë periudhë, policia realizoi një operacion të koordinuar dhe arrestoi Dodë Gjokën, së bashku me bashkëpunëtorin e tij, shtetasin L.Ç. nga Shkodra, në momentin që po merrnin paratë nga viktima në fshatin Malecaj të Lezhës.
Gjatë operacionit, u sekuestruan 25 mijë euro, dylbi, telefona celularë dhe automjeti që përdorej nga autorët, sipas BW. Hetimet zbuluan se biznesmeni kishte pasur konflikte të vjetra pronësore dhe dyshohet se persona të tjerë kishin urdhëruar të arrestuarit për të marrë borxhin e pretenduar.
Një nga autorët kishte pasur më parë një dënim për tentativë vrasjeje. Në cilësinë e provës materiale policia u sekuestroi sasinë e parave, dylbitë, telefonat celularë dhe automjetin me të cilin po udhëtonin. Operacioni përfundoi në një kohë të shpejtë, ndërkohë që policia ka bërë të ditur se njëri prej autorëve ka qenë i dënuar dhe më parë për tentativë vrasjeje.
Nga të hetimet e policisë në atë kohë, bëhet e ditur se biznesmeni, të cilit i kanë kërkuar paratë, kishte pasur konflikte prej kohësh për çështje pronësie me disa persona të tretë. Dyshohet se kanë qenë këta të fundit që kishin kërkuar ndërhyrjen e dy personave që u arrestuan, për të marrë sasinë e parave që pretendoheshin prej tyre se ai ua kishte borxh.
