Nga Sali Doçi
Një vit më parë, Hamasi, grupi palestinez që kontrollon Gazën, i shpallur terrorist nga SHBA dhe BE, kreu një sulm të paprecedentë kundër Izraelit, i cili regjistrohet si më vdekjeprurësi në historinë e këtij vendi. Nga sulmi terrorist u vrare rreth 1200 persona, ndersa militantet e Hamas rrembyen 250 persona te pafajshem, nje pjese te cileve jane vrare, disa jane liruar dhe te tjere vazhdojne ende te mbahen peng. Ne kunderpergjigje Izraeli nisi nje fushate bombardimesh kunder Hamas ne Rripin e gazes. Një vit pas nisjes së kësaj lufte Izraeli vijon betejën jo vetem kunder Hamas, por edhe kunder grupit libanez Hezbollah te mbeshtetur nga Irani dhe eshte I vendosur te mos ndalet deri ne shkaterrimin e terroristeve
Si sot një vit më parë, Izraeli u zgjua nga zhurmat e 5 mijë raketave të hedhura nga Hamas në 20 minuta ndaj në territotin e tij, në atë që konsiderohet sulmi më I rëndë terrorist ndaj këtij shteti që prej krijimit të tij në vitin 1948.
Sulmi terrorist i 7 tetorit të vitit 2023 nga Hamas, i cili vrau rreth 1200 izraelitë ndërsa 250 të tjerë u morën peng , ka sjellë pas tij një sere ngjarjesh zinxhir që kanë riformësuar dinamikën politike të Lindjes së Mesme. Luftimet intensive 1 vjecare kane shkaterruar Gazes dhe kane ndezur nje eksod masiv në Liban ndersa sot Shtetasit izraelitë, palestinezë dhe libanezë po përballen me një humbje të madhe dhe një të ardhme të pasigurtë.
Për familjet e 101 pengjeve që mbahen ende në Gaza, një e treta e të cilëve besohet të jenë të vdekur, viti i kaluar ka qenë me i veshtiri. Ne mesin e atyre qe mbahen ende peng nga grupi militant palestinez Hamas jane edhe 2 femije dhe 10 gra.
Pamjet dramatike që treguan vrasjen e civilëve të pafajshëm Izraelitë nga Militatët Terrorist të Hamas si dhe masakrat e kryera ndaj këtyre civilëve tronditën mbarë botën, ndërsa Perëndimi dhe Shtetet e Bashkuara kanë vijuar mbështetjen e tyre të pakushtëzuar ndaj Izraelit. Hamas i konsideruar nga dhjetera vende te botes nje organizate Terroriste ka deshmuar pergjate ketij viti te veshtire sesi ka perdorur civilet si mburoja, perballe luftes se ashper nga forcat Izraelite ne Rripin e Gazez.
Por Sot, një vit pas nisjes së kësaj lufte Izraeli vijon betejën jo vetem kunder Hamas, por edhe kunder grupit libanez Hezbollah dhe rebelëve Huthi të Jemenit, grupe këto të mbështetura nga Irani. Tel Avivi zyrtar thotë se nuk do të ndalet deri sa të shkatërrojë çdo kërcënim që ekziston nga Irani ndaj sigurisë së qytetarëve Izraelitë.
Në 1 vit luftime bilanci me i rende nga beteja shfaqet në territori e Rripit të Gazës, aty ku kanë mbetur të vrarë më shumë se 41 mijë palestinezë sipas asaj që deklarojnë autoritetet shëndetësore të enclaves Palestineze, të kontrolluara nga Hamas. Ata thonë se më shumë se gjysma e të vrarëve janë gra dhe fëmijë.
Numri i të vdekurve është i barabartë me afërsisht 5 palestinez të vrarë çdo orë që nga fillimi i fushatës së Izraelit, bazuar në llogaritjet e mediave nderkombetare . Në të njëjtën kohë, sulmet ajrore dhe operacionet tokësore izraelite kanë lënë pjesën më të madhe të infrastrukturës së Gazës të shkaterruar në rrënoja, duke përfshirë spitalet, shkollat dhe zonat e banuara.
Agjencitë e ndihmës raportojnë mungesa të mëdha të ushqimit, ujit të pastër dhe furnizimeve mjekësore dhe shumica e spitaleve të Gazës nuk janë më funksionale, për shkak të dëmtimit dhe mungesës së karburantit për gjeneratorët. Sistemi arsimor është shembur, me pothuajse të gjitha shkollat të mbyllura ose të shkatërruara, duke lënë një brez të tërë pa arsim.
Bllokada izraelite, e shtrënguar që nga fillimi i konfliktit, ka kufizuar ashpër hyrjen e ndihmave humanitare. Kombet e Bashkuara vlerësojnë se 1.9 milionë palestinezë në Gaza, shumica dërrmuese e popullsisë, janë zhvendosur gjatë vitit të kaluar. Shumë prej tyre janë grumbulluar në strehimore ose tenda të mbipopulluara në pjesën jugore te enklaven palestineze .
Me bombat dhe rraketat qe ende bien në Gaza, për shumë prej 2.4 milionë banorëve të enklaves , e ardhmja mbetet e mbushur me pasiguri.
Në nje vit luftime Izraeli thote se ka vrarë gjysmën e terroristeve te Hamas duke perfshire ketu qindra komandant dhe udheheqes te larte. Ne mesin e ketyre terroristeve ishte edhe kreu Politik I Hamas, Ismail Hanyieh I cili mbeti I vrare ne Kryeqytetin e Iranit, nga nje sulm précis I ushtrise Izraelite ne ndertesen ku ai po qendronte.
Ndërsa Gaza mbetet epiqendra e luftës së pas 7 tetorit dhe ka mbajtur barrën e sulmeve hakmarrëse shkatërruese të Izraelit – konflikti është zgjeruar gjatë vitit të kaluar për të përfshirë pjesë të tjera të rajonit.
Javët e fundit, Izraeli ka përshkallëzuar në mënyrë dramatike sulmet ndaj Libanit fqinj, duke synuar ato që ai thotë se janë bastione të Hezbollahut në të gjithë vendin. Ai thotë se po përpiqet të sigurojë kufirin e tij me Libanin, kështu që dhjetëra mijëra izraelitë të zhvendosur pas gati një viti shkëmbime zjarri me Hezbollahun mund të kthehen në shtëpi.
Izraeli dhe Hezbollahu kanë shkëmbyer zjarrin dhe sulmet ndërkufitare që nga 8 tetori 2023, një ditë pasi aleati palestinez i Hezbollahut, Hamasi, sulmoi Izraelin jugor. Megjithatë, një ofensivë e plotë shokuese filloi vetëm disa javë më parë me forcat izraelite që sulmuan sistemet e komunikimit të Hezbollahut, duke çaktivizuar qindra luftëtarë, pagerët dhe radiot operative të të cilëve shpërthyen dhe duke vrarë një numër të konsiderueshëm komandantësh të lartë të Hezbollahut, duke shkatërruar strukturën komanduese të grupit.
Më pas, më 27 shtator, lideri i Hezbollahut, Hassan Nasrallah u vra në një sulm ajror izraelit në periferitë jugore të Bejrutit, duke shënuar një moment transformues për Lindjen e Mesme. Rajoni është ende duke u tronditur nga pasgoditjet dhe vdekja e një njeriu, udhëheqja e të cilit e kishte fuqizuar Hezbollahun të bëhej një nga përfaqësuesit më efikas të Iranit.
Si kundërpërgjigje, Hezbollahu intensifikoi sulmet me raketa në veri të Izraelit, por më 1 tetor, Izraeli e rriti me guxim përshkallëzimin e tij, duke nisur një inkursion tokësor në Libanin jugor, duke thënë se forcat e tij kishin kaluar kufirin për të synuar pozicionet e Hezbollahut.
Të njëjtën ditë, Korpusi i Gardës Revolucionare Islamike të Iranit tha se kishte nisur sulme ndaj Izraelit, si hakmarrje për vrasjet e udhëheqësve të Hamasit dhe Hezbollahut. Si rezultat I kesaj hakmarrje , rreth 200 raketa balistike u lëshuan mbi territorin Izraelit. Qeveria e Tel Avivit eshte zotuar per hakmarrje te ashper ndaj Teheranit, duke thene se askush nuk mund te kercenoje Izraelitet ne shtepite e tyre
Nga ana tjeter Sulmet e Ushtrise Izraelite ne Liban kane zhvendosur mbi 1.2 milione qytetare nga shtepite e tyre, ndersa mbi 2 mije te tjere kane mbetur te vrare si pasoje e bombardimeve intensive nga Tel Avivi zyrtar./abcnews.al
