Fundjavë me mot të keq në të gjithë Italinë, ose sicc e thonë ekspertët, “një vjeshtë e parakohshme”.
Mbrojtja Civile ka dhënë për sot, alarmin portokalli për Marche dhe për një pjesë të madhe të Lombardisë dhe alarmin e verdhë për Lazio, Umbria, Abruzzo, disa zona të Toskanës dhe Emilia-Romagna, Liguria, Piemonte, Veneto. , Friuli Venezia Giulia, provincat autonome të Trentos dhe Bolzanos dhe pjesa tjetër e Lombardisë.
Reshje shiu, breshëri dhe rënie të temperaturave
Së pari në veri me stuhi, breshër, erëra të forta veçanërisht në Lombardi dhe stuhi përgjatë brigjeve. Më pas reshjet do të shtrihen edhe në rajonet qendrore, veçanërisht në Adriatik dhe mbi të gjitha në Marshe. Ndërsa në jug, në pritje të përkeqësimit që pritet të shtunën, do të ketë ende disa orë diell dhe temperatura të larta, aq sa në Pulia mund të arrij deri në 37 gradë dhe në Siçili 34. Përveç të këqijave moti do të ketë rënie të theksuar dhe të menjëhershme të temperaturave, në disa raste edhe më të larta se dhjetë gradë. Jugu do të përfshihet nga moti i keq, sërish sipas parashikimeve, duke nisur nga e shtuna, ditë e cilësuar si ditë me “pika të zeza” për trafik.
Milano ndalon hyrjen në zonat e gjelbra dhe mbyll varrezat
Ndërkohë, Bashkia e Milanos, një qytet tashmë i goditur nga stuhia e dhunshme natën mes 24 dhe 25 korrikut, ka ndaluar hyrjen në zonat e gjelbëruara të pa rrethuara dhe ka vendosur të mbyllë varrezat dhe tregjet nën pemë si masë paraprake.
