Të paktën 13 persona kanë vdekur në Kolumbi për shkak të reshjeve të pazakonta të dendura për këtë kohë të vitit, sipas shifrave zyrtare të publikuara të dielën.
Një front i ftohtë që lëviz nga pjesa veriore e kontinentit amerikan ka arritur në Kolumbi, duke rritur reshjet me më shumë se 64% në janar krahasuar me mesataren historike në vend, sipas Institutit Meteorologjik Kolumbian (IDEAM), i cili tha se fenomeni është pjesë e “krizës klimatike”.
Autoritetet thanë dje se shtatë persona vdiqën dhe dy të tjerë u plagosën në një rrëshqitje dheu të premten në komunën e Maiama, në departamentin e Nariño (jugperëndim), pasi shirat e rrëmbyeshëm shkaktuan daljen e një lumi dhe rrëshqitje dheu që mbuluan shtëpitë.
