Këngëtarja e njohur, Greta Koçi është një ndër artistet më të dashura të muzikës së lehtë për publikun shqiptar.
E teksa ky sezon veror e ka gjetur këngëtaren duke performuar nëpër dasma dhe disi e distancuar nga koncertet në skenë, Greta po bën ‘namin’ me këngën e saj më të pëlqyer së fundmi ‘Motra Ime’ ku ftohet për ta kënduar personalisht në këto gëzime familjare.
Fansa të artistes kanë publikuar shpesh në rrjetet sociale pjesë nga festat e tyre, teksa Greta këndon këngën hit. Por, së fundmi, Greta ka kënduar në një dasmë, ku kësaj here vëmendjen e ka tërhequr veshja e saj.
Ajo u shfaq në festë e veshur me nje kostum me printe me ngjyra dhe atlete të bardha. E pas kësaj ndjekësit kanë shpërthyer në sektorin e komenteve ku shprehen se veshja nuk është aspak e përshtatshme për rastin në të cilin Greta ndodhet.
