Duke folur për Al Jazeera me qendër në Katar, intervista e parë pas shpalljes së qeverisë së re, Hassan Akhund, Kryeministri i ri i Afganistanit tha se ish-zyrtarët afganë duhet të kthehen në vend dhe se siguria de tyre është e garantuar.
Ai tha se udhëheqësit talibanë përballen me përgjegjësi të madhe ndaj popullit afgan, duke shtuar: “Ne kemi pësuar humbje të mëdha për këtë moment historik dhe epoka e gjakderdhjes në Afganistan ka përfunduar.”
Një ministër tjetër në që u zgjodh nga talibanët është, Sirajuddin Haqqani, kreu i rrjetit famëkeq Haqqani. Rrjeti Haqqani është caktuar një Organizatë e Huaj Terroriste (FTO) nga SHBA. Ajo gjithashtu mban lidhje të ngushta me al-Kaedën.
FBI thotë se Haqqani ishte pas disa prej sulmeve më vdekjeprurëse të luftës 20-vjeçare, përfshirë shpërthimin e një kamioni me bombë në Kabul në vitin 2017 që vrau më shumë se 150 njerëz.Ai kërkohet nga FBI për një sulm të vitit 2008 në një hotel që vrau një amerikan.
Talibanët morën kontrollin e Afganistanit në një ofensivë gjithëpërfshirëse më shumë se tre javë më parë. Ata tani përballen me shumë sfida të vështira në vendin e shkatërruar nga konflikti, përfshirë stabilizimin e ekonomisë dhe fitimin e njohjes ndërkombëtare.
