Një ngjarje e rëndë ka ndodhur në fshatin Mërtish pranë Divjakës mesditën e së hënës, kur 32-vjeçari Xhuljo Shtëmbari humbi jetën pasi ra në kontakt me rrymën elektrike.
Policia e Fierit raporton se dy persona janë vënë në pranga sa i përket kësaj ngjarjeje.
Xh. H., 60 vjeç, banues në Gradishtë dhe A. P., 57 vjeç, banues në Babunjë janë arrestuar pasi, dyshohet se kanë shkelur rregullat e mbrojtjes në punë, duke mos shkëputur energjinë elektrike në linjën që po riparonte 32-vjeçari.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
