Policia e Tiranës ka arrestuar 25-vjeçarin e shpallur në kërkim për veprën penale “vrasje e mbetur në tentativë” dhe “kultivimi she shitje të lëndëve narkotike”.
Uniformat blu kanë prangosur Ramadan Shanaj i cili së bashku me vëllain e tij janë përleshur me armë zjarri me shtetasin me iniciale V.P dhe dy persona të tjerë. Si pasojë e këtij sherri të ndodhur në muajin qershor të këtij viti ka mbetur i plagosur në këmbë shtetasi me iniciale E.Gj.
Materialet kaluan në Prokurorinë e Rrethit Gjyqësor Tiranë, për veprime të mëtejshme.
Njoftimi i plotë i policisë:
Tiranë/Vijon puna për kapjen e personave të shpallur në kërkim për vepra të ndryshme penale
Kapet dhe ndalohet nga shërbimet e Komisariatit të Policisë Nr. 4, një shtetas i shpallur në kërkim për disa vepra penale.
Në vijim të punës për kapjen e personave në kërkim dhe vënien para përgjegjësisë ligjore, në bazë të informacioneve të marra në rrugë operative, shërbimet e Komisariatit të Policisë Nr. 4 kapën dhe ndaluan shtetasin në kërkim:
R. Sh., 25 vjeç, banues ne Tiranë, të cilit Gjykata e Shkallës së Parë e Rrethit Gjyqësor Tiranë, i ka caktuar masën e sigurisë “Arrest në burg”, për veprat penale “Vrasja me dashje” mbetur në tentativë, kryer në bashkëpunim, “Prodhimi dhe shitja e narkotikëve”, “Prishja e qetësisë publike” dhe “Falsifikimi i letërnjoftimeve, i pasaportave ose i vizave”.
Ky shtetas, më datë 12.06.2021, në rrugën “Kahreman Ylli”, në afërsi të një lokali, së bashku me vëllain e tij, shtetasin K. Sh. (i arrestuar në flagrancë), janë konfliktuar me armë zjarri me shtetasin V. P., 33 vjeç dhe 2 persona të tjerë. Si pasoje e të shtënave ka mbetur i plagosur në këmbë shtetasi E. Gj.
Materialet kaluan në Prokurorinë e Rrethit Gjyqësor Tiranë, për veprime të mëtejshme.
Për t’ju bashkuar grupit të Faxweb.al në Facebook, klikoni Join Group
FacebookTwitterGoogle+LinkedIn
