West Side Family, tashmë pa Floran Kondin pjesë të tyre, të njohur si Dr. Flori, kanë kujtuar sot një datë shumë të rëndësishme për ta që përkon me ditëlindjen e këtij të fundit.
Roland Hysi dhe Armir Shahini kanë bërë një dedikim prekës për të ndjerin në këtë ditë kuptimplotë nëpërmjet një postimi në llogarinë e tyrë të “Instagram”.
Verizon
“Thonë: ‘Një foto vlen sa një mijë fjalë’.
Nuk e di nëse një mijë fjalë do të ishin mjaft, por edhe nëse do të ishin, boshllëku mbetet e s’kam ç’bëj tjetër veçse të shoh foton e të kujtoj të gjitha ato momente të jetuara, të cilat sigurisht ua kalojnë fjalëve.
Në kujtim të Floran Kondit, i njohur si Dr. Flori
28 shkurt 1979 – 17 nëntor 2014”- shkruhet në postim.
Rikujtojmë se edhe disa ditë më parë, gjatë një videoje ku performojnë këngën e tyre të paharrueshme “Mesazh”, West Side Family kanë shprehur mirënjohjen për të gjithë mbështetësit e tyre duke mos lënë pa përmendur mallin e tyre për Dr. Florin.
“Para 23+ vitesh kemi falenderuar dhe u kemi qenë mirënjohës të gjithë atyre që për kohën i kemi ose janë konsideruar “fans-a” e që më pas u kthyen në mbështetës.
Tani, pas 23+ vitesh, marrëdhënia e jonë është përforcuar dhe fansat apo mbështetësit janë kthyer në BASHKËPUNËTORË dhe gur themeli për jetëgjatësinë e West Side Family!
Përulësisht mirënjohës të gjithëve ju që keni qenë aty që nga fillimi, ju që jeni bashkuar rrugës dhe të tjerët që i mirëpresim ti bashkohen Familjes së madhe me emrin West Side.
Dr. Flori mungon, por kujtimi yt ESHTË KËTU!
Faleminderit për mbështetjen! ”
