Në ambientet e Ambasadës franceze në Tiranë është zhvilluar një takim i rëndësishëm mes përfaqësuesëve të insitucioneve ligjzbatuese të vendit dhe diplomatëve të huaj.
Në thelb të diskutimeve ishte procesi zgjedhor në Shqipëri, goditja e krimeve zgjedhore si dhe garantimi i një procesi të drejtë dhe të ndershëm të pandikuar nga faktorët e jashtëm kriminalë.
Në këtë takim të pranishëm ishin Komisioneri Shtetëror i Zgjedhjeve Ilirjan Celibashi, Prokurori i Përgjithshëm Olsjan Çela dhe kreu i SPAK, Altin Dumani, të ulur në një tryezë të përbashkët me ambasadorët e vendeve kryesore partnere të Shqipërisë, përfshirë Francën, Gjermaninë, Holandën, Austrinë, Italinë, Zvicrën, Britaninë e Madhe dhe Shtetet e Bashkuara të Amerikës, përfshirë këtu dhe kreun e Misionit të Vëzhguesve të ODIHR-it, Lamberto Zannier.
Diplomatët e huaj konfirmuan dhe njëherë mbështetjen e tyre për insitucionet shqiptare në luftë kundër krimit të organizuar, krimeve elektorale dhe nismave për ër të parandaluar dhe ndëshkuar çdo formë të manipulimit të votës apo intimidimit të votuesve.
