Të sëmurët transportohen në Sauk me autoambulanca.
Zjarri ka rënë në një prej bodrumeve dhe ka shkaktuar shumë tym çka rrezikonte të shkaktonte asfiksi te pacientët. Top Channel mëson se është bërë evakuimi i pjesës më të madhe të pacientëve. Krahas pacientëve të dërguar me urgjencë në Sauk, disa u sistemuan në pavione te tjera të QSUT-së.
Ndërkaq, në vendngjarje kanë mbërritur menjëherë zjarrfikëset e Tiranës, dhe pas ndërhyrjes zjarri është vënë nën kontroll. Ngjarja ka nisur rreth orës 5.30 të mëngjesit në katin -1 ku ndodheshin disa bateri të cilat kanë shkaktuar shumë tym. Situata tashmë është nën kontroll.
“Më datë 11.02.2024, rreth orës 05:30, në Rrugën e Dibrës, dyshohet se si pasojë e një shkëndije, ka rënë zjarr në katin -1, te urgjenca e re. Shërbimet e Policisë në bashkëpunim me forcat zjarrfikëse, menjëherë kanë bërë evakuimin e stafit mjekësor dhe pacientëve. Zjarri është fikur dhe si pasojë e tij nuk ka persona të dëmtuar. Grupi hetimor po punon për zbardhjen e rrethanave të ngjarjes“- thuhet në njoftimin e Policisë
