Policia britanike tha se ka nisur hetime urgjente për trajtimin pa dinjitet të një gruaje nga oficerët e policisë në Manchester, pasi gjatë arrestimit ata thuajse e kishin ekspozuar në të brendshme gjatë një proteste kundër masave qeveritare të koronavirusit. Në pamjet e publikuara nga mediat shiheshin oficerët që e ngrinin gruan peshë nga toka, ndërsa pantallonat i ranë dhe ajo mbeti vetëm në të brendshme.
Policia e Manchester pranoi se pamjet e veprimeve të tyre ishin “të sikletshme për publikun”, ndersa kryebashkiaku Andy Burnham kishte kërkuar shpjegim të plotë nga autoritetet e rendit.
Gruaja ishte mes 18 njerëzve të arrestuar pasi aktivistët u grumbulluan ne shesh, në protestën kundër policisë e quajtur ndryshe “Kill the Bill” (‘The Bill’ në anglisht quhet në gjuhën e folur ‘Policia’).
Imazhe shkaktuan zemërim të gjerë në rrjetet sociale pasi në disa pamje dukej sikur oficerët po i ulnin asaj xhinset. Më pas u tentua që t’i ngriheshin veshjet e poshtme, por skenat ishin kapur nga fotografët.Policia tha në një deklaratë: “Jemi në dijeni të videove dhe imazheve të një gruaje që duket pjesërisht e zhveshur teksa po arrestohej gjatë protestave të së dielës në qendrën e qytetit. Një hetim është duke u zhvilluar dhe një njoftim do të jepet në kohën e duhur”.
Por policia mbronte vendimin e saj për shpërndarjen me forcë të protestës kur një grup demonstruesish u ulën në rrugë duke bllokuar sheshin Saint Peter’s Square
