Një shtetas i dënuar për ‘ngacmim seksual’ është arrestuar sërish për të njëjtën vepër penale.
Masa e arrestit është vendosur nga Gjykata e Beratit, me kërkesë të Prokurorisë. Në njoftimin zyrtar thuhet se shtetasi S.O u arrestua për veprën penale ‘Ngacmimi seksual” e parashikuar nga neni 108/a/2 i Kodit Penal.Sipas Prokurorisë së Beratit, më 25 nëntor 2024, shtetasi i mitur A.Gj., ka bërë kallëzim penal ndaj S.O, duke e denoncuar se e ka kapur dhe çjerrë nga dora, por më pas i është afruar babai dhe e ka larguar prej tij.
“Në kuadër të hetimeve të procedimit penal nr.712/2024 ndaj këtij shtetasi për ngacmim seksual ndaj një të mituri, u krye Akti i Ekspertimit Mjekoligjor nga ku rezultoi se i mituri ka dëmtime të shkaktuara me mjet të fortë mbrehtës. i pyetur në cilësinë e personit që ka dijeni për veprën penale shtetasi K.Gj, babai i të miturit, deklaroi se e ka telefonuar djali dhe i ka thënë po më ndjek një burrë dhe ai menjëherë ka dalë nga banesa dhe ka ikur në drejtim të djalit.
Nga ana e organit procedues u bë këqyrja e pamjeve filmike nga ku rezultoi se shtetasi A.Gj kthen kokën pas për të parë kush e ndjek dhe më pas shfaqet personi i identifikuar si shtetasi R.O., i cili e ndjek nga pas.
