Një aksident ka ndodhur në rrugën e vjetër Vlorë-Fier, në afërsi të fshatit Çerkovinë, ku një automjet ka përfunduar përmbys në një kanal.
Si pasojë, një person ka mbetur i plagosur dhe është transportuar me urgjencë në spital, në gjendje të rëndë.
Për shkak të rrethanave, ka qenë e nevojshme ndërhyrja e shërbimeve të zjarrfikëses për të nxjerrë të plagosurin nga makina.
Aktualisht, në vendngjarje kanë mbërritur policia dhe grupi hetimor, të cilët po punojnë për zbardhjen e shkaqeve të aksidentit. (A2 Televizion)
