Një 21 vjeçar i quajtur Flavio Prenga është arrestuar ditën e sotme në flagrancë nga Policia e Lezhës.
Arrestimi i tij është bërë në kushtet e tentativës për të kultivuar bimë narkotike të tipit ‘cannabis sativa’ në vendin e quajtur “Përroi i Shlorit”, Sheshaj, Mirditë.
Njoftimi i Plotë
DVP Lezhë
Vijon kontrolli masiv i territorit nga shërbimet e Policisë, për parandalimin e kultivimit të bimëve narkotike.
Evidentohet dhe goditet një tjetër rast i tentativës për kultivim të kanabisit.
Arrestohet në flagrancë 21-vjeçari.
Shërbimet e Policisë Mirditë, në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, gjatë kontrollit të territorit, bazuar dhe në informacionet e marra në rrugë policore, kanë evidentuar dhe goditur një rast të tentativës për kultivim të kanabisit, në fshatin Sheshaj, Mirditë.
Në përfundim të veprimeve, specialistët për Hetimin e Krimeve në Komisariatin e Policisë Mirditë arrestuan në flagrancë shtetasin Flavio Prenga, 21 vjeç, banues në Tale, Lezhë.
Arrestimi i tij u bë pasi është kapur në kushtet e flagrancës, duke tentuar të kultivojë bimë narkotike cannabis sativa në vendin e quajtur “Përroi i Shlorit”, Sheshaj, Mirditë.
Nën drejtimin e Prokurorisë Lezhë vijon puna për dokumentimin e plotë të këtij rasti dhe për identifikimin e personave të tjerë të implikuar në këtë veprimtari të paligjshme.
Materialet i kaluan Prokurorisë pranë Gjykatës së Shkallës së Parë Lezhë, për veprën penale “Kultivimi i bimëve narkotike”.
