Për një muaj, tifozët dhe futbolldashësit mblidhen për të parë ndeshjet e Europianit e ndërsa ndeshjet shihen si argëtim, studiuesit tani kanë paralajmëruar se të shohësh futboll mund të sjellë atak kardiak.
Studiuesit nga Johannes Gutenberg-Universiteti Mainz analizuan pranimet në spital në Gjermani gjatë Kupës së Botës 2014 në Brazil dhe zbuluan se rastet e atakut kardiak u rritën me më shumë se pesë përqind gjatë turneut.
Në studim, ekipi krahasoi pranimet dhe vdekshmërinë në spital nga ataket kardiake në katër periudha kohore: gjatë Kupës së Botës nga 12 qershor deri më 13 korrik 2014 dhe gjatë tre periudhave pa ngjarje të mëdha futbolli, nga 12 qershor deri më 13 korrik 2013, nga 12 qershor deri më 13 korrik 2015 dhe midis 14 korrik dhe 14 gusht 2014.
Megjithëse nuk kishte dallime në numrin e përgjithshëm të pacientëve në spital gjatë muajve qershor dhe korrik për vitet 2011 deri në 2015, numri i shtrimeve në spital ishte më i larti në 2014.
Autori kryesor, Karsten Keller, një kardiolog në Johannes Gutenberg-Universiteti Mainz tha se kishte gjithsej 18,479 shtrime gjatë 31 ditëve të Kupës së Botës, rreth një mijë më shumë se në 31 ditët e ardhshme.
Shtrimet arritën në një rritje prej 5.4 përqind për shkak të emocioneve të mëdha tek tifozët, duke shkaktuar probleme me zemrën.
Ataket kardiake në Kupën e Botës ishin gjithashtu 3.7 dhe 2.1 përqind më të larta se 17,794 dhe 18,089 pacientë një vit më vonë, përkatësisht.
“Të shikosh futboll në ngjarje të mëdha si Kupa e Botës ose Kampionatet Europiane shoqërohet me eufori por gjithashtu mund të çojë në zemërim dhe një sërë emocionesh të tjera”.
Kardiologu këshilloi tifozët që vuajnë nga problemet me zemrën të mos shohin ndeshjet e rëndësishme ose të mos përfshihen shumë në kampi0nat pasi janë më të rrezikuarit.
Duke u thelluar në zbulimet, studiuesit zbuluan se vdekshmëria më e lartë në spital u vu re ditën e finales, kur Gjermania mundi Argjentinën 1-0 në kohën shtesë.
Shkalla e vdekjeve nga ataket kardiake gjithashtu u rrit nga 8 në 12 përqind në atë ditë.
Keller thotë se mund të ndikojë dhe fakti se personat i anashkalojnë ose nuk i vënë re simptomat e para pasi janë shumë të fokusuar tek ndeshja. Ky fokusim bën dhe që personat të presin shumë gjatë në shtëpi para se të telefonojnë ambulancën ose të shkojnë në spital.
Debati nëse futbolli ndikon në shëndet është debatuar nga ekspertët e shëndetit për vite me radhë.
Tre vjet më parë, një studim nga shkencëtarët Kanadezë sugjeroi që shikimi i ekipit tuaj të futbollit rrit rrezikun e një ataku potencialisht fatal në zemër.
Studime të tjera nuk kanë arritur të konfirmojnë një lidhje midis ndeshjeve të rëndësishme sportive dhe sëmundjeve akute kardiovaskulare.
Studimi i fundit në Raportet Shkencore është më definitivi deri më tani pasi u përqendrua në një nga vendet që shohin më shumë futboll.
Futbolli është sporti më i popullarizuar në Gjermani.
Më shumë se 34.5 milion njerëz panë fitoren në TV në Brazil 2014, rreth gjysma e popullsisë.
“Gjetjet tregojnë se ngjarje të mëdha sportive, si Kupa e Botës, ndikojnë në shfaqjen e problemeve kardiovaskulare”.
“Rezultatet e studimit tonë tregojnë një rritje të fortë dhe të konsiderueshme në numrin e përgjithshëm të atakeve në zemër gjatë Brazil 2014 krahasuar me të njëjtat periudha krahasimi 31-ditore”, tha Keller.
Ataket kardiake në Angli gjithashtu u rritën me një të katërtën pasi djemtë e Alan Shearer humbën me penallti ndaj Argjentinës në Francë 1998.
Ndërsa arsyeja për lidhjen mbetet e paqartë, studiuesit sugjerojnë se mund të ketë një shpjegim biologjik. Hormonet e lëshuara gjatë stresit ndikojnë në funksionin e qelizave, duke çuar në mpiksje që ndërpresin gjakun në zemër.
Një studim gjatë finales midis Spanjës dhe Hollandës në Afrikën e Jugut 2010 zbuloi një rritje të niveleve të testosteronit dhe kortizolit tek tifozët.
fax web
