Motra e liderit të Koresë së Veriut Kim Jong Un hodhi poshtë perspektivat për një rifillim herët të diplomacisë me Shtetet e Bashkuara, duke thënë të martën se pritjet e SHBA-së për bisedime “do t’i zhytnin ata në një zhgënjim më të madh”.
Deklarata e hapur e Kim Yo Jong tregon se ngërçi diplomatik mbi programin bërthamor të Koresë së Veriut ka të ngjarë të vazhdojë nëse Veriu nuk vuan vështirësi më të mëdha ekonomike të lidhura me pandeminë dhe nuk ka nevojë për ndihmë urgjente nga jashtë, thanë disa ekspertë.
Shpresa për një rifillim të bisedimeve bërthamore u ndez pak pasi Kim Jong Un tha javën e kaluar se vendi i tij duhet të jetë i gatshëm si për dialog ashtu edhe për konfrontim, edhe pse më shumë për konfrontim. Këshilltari i Sigurisë Kombëtare të SHBA Jake Sullivan i quajti komentet e Kim një “sinjal interesant”.
Të martën, Kim Yo Jong e ironizoi përgjigjen e Sullivanit.
“Duket se SHBA mund ta interpretojë situatën në një mënyrë të tillë që të kërkojë një ngushëllim për veten e saj“, e citoi atë të thoshte Agjencia Qendrore e Lajmeve Koreane zyrtare. “Pritja, të cilën ata zgjodhën të mbanin në mënyrë të gabuar, do t’i zhytë ata në një zhgënjim më të madh.”
fax web
