Edi Rama ishte i “vetmuar” në ceremoninë e ngritjes së flamurit në qytetin e Vlorës.
Në ditën e Pavarësisë, kryeministri mbërriti në sheshin e flamurit ku bie në sy marrëdhënia e “ftohtë” mes Ramës, Dritan Lelit dhe presidentit Ilir Metës, asnjë fjalë përshëndetëse.
Kujtojmë që Meta e Rama kanë marrë pjesë në ceremoninë e ngritjes së flamurit, teksa më pas kanë zhvilluar homazhe dhe kanë vendosur kurora me lule në monumentin e Pavarësisë. E pranishme ishte dhe kryetarja e Kuvendit Lindita Nikolla, si dhe drejtues lokalë. Disa aktivitete janë parashikuar të mbahen gjatë ditës së sotme me rastin e 28 nëntorit Ditës së Flamurit.
Sheshi i monumentit të Pavarësisë në Vlorë ishte i mbushur me qytetarë të Shqipërisë dhe të Kosovës.
