Gjeorgjia nuk do të marrë pjesë në sanksionet ekonomike dhe financiare ndaj Rusisë pas sulmit në shkallë të plotë të Moskës kundër Ukrainës, tha kryeministri Irakli Garibashvili për mediat e vendit të premten, duke përmendur interesat kombëtare.
“Gjatë këtyre viteve, ndër të tjera, ne kemi arritur të de-përshkallëzojmë marrëdhëniet tona të tensionuara me Rusinë, gjë që ishte në përputhje me interesat kombëtare të Gjeorgjisë dhe unë nuk do të marr asnjë vendim kundër tyre”, tha kryeministri.
Në një deklaratë të premten, Banka Kombëtare e Gjeorgjisë tha se do të mbështeste degën lokale të bankës shtetërore të Rusisë VTB pasi të sanksionohej nga fuqitë perëndimore. Banka nuk do të jetë në gjendje të kryejë transaksione në dollarë amerikanë, paund britanik ose euro nga data 26 mars.
Banka kombëtare u zotua të sigurojë që VTB të mbetet “solvente” dhe tha se interesat e depozituesve janë “të mbrojtura plotësisht”.
Të enjten në mëngjes, Rusia njoftoi fillimin e një operacioni të posaçëm ushtarak në Donbass pasi udhëheqësit e republikave të shkëputura kërkuan ndihmë nga Moska në përgjigje të asaj që ata pretendojnë se është një rritje e “agresionit ukrainas”.
Moska njohu pavarësinë e republikave separatiste Donetsk dhe Lugansk të hënën.
