Presidenti ukrainas, Volodymyr Zelenskyy, përmes një video mesazhi mëngjesin e sotëm ka reaguar për situatën në termocentralin bërthamor të Zaporizhzhia gjatë natës.
Zelenskyy tha se mënyra e vetme për të garantuar se Rusia nuk do të bombardojë infrastrukturën bërthamore është krijimi i një zone ndalim-fluturimi mbi Ukrainë.
Zelenskyy gjithashtu sot u bëri thirrje rusëve që të vazhdojnë të protestojnë kundër pushtimit në Ukrainë, që ka hyrë në javën e dytë.
Ai u shpreh se Moska synon të sulmojë infrastrukturën dhe zonat e banuara të Ukrainës, teksa Mariupol, Kherson, Kharkiv dhe Chernihiv ndodhen nën sulm.
Udhëheqësi ukrainas tha se 9,200 ushtarë rusë janë vrarë deri më tani. Ky është shumë më i lartë se numri i cituar nga Rusia, 498. /abcnews.al
