Ihor Yuschenko, 61 vjeç, një ish-kolonel në Forcat e Armatosura të Ukrainës, i cili dikur shërbeu si zëvendë-shefi i shtabit të forcave tokësore në Donbas në Ukrainën lindore, ishte dëshmitar i një krimi spikërisht jashtë dritares së shtëpisë së tij.
Sipas Yuschenko, një kolonë e trupave ruse ndaluan dhe hapën zjarr në Bucha më 27 shkurt, duke vrarë dy kalimtarë. Kjo kolonë kishte përfshirë luftëtarët çeçenë të njohur si Kadyrovtsy, anëtarë të grupimeve të ndryshme ushtarake që janë besnikë ndaj udhëheqësit të tyre Ramzan Kadyrov, i njohur si “ushtari i Putinit”.
Juschenko tha se ai ishte në gjendje t’i identifikonte ata nga veshjet e tyre të zeza, përdorimi i parullave islamike dhe emri i Kadyrov në parzmoren e tyre. Rreth një orë më vonë, kolona e tyre u shkatërrua nga ushtria ukrainase në një pjesë tjetër të qytetit, por Kadyrovtsy u rikthye.
Ai përshkroi sesi luftëtarët çeçenë qëlluan një makinë më të paktën tridhjetë plumba duke vrarë pasagjerët e saj. Më pas, ushatarët rusë dyshohet se i tërhoqën zvarrë dy personat e vdekur të cilët i kishin qëlluar nga makina dhei lanë në anë të rrugës.
Artem Hurin, një anëtar i këshillit të qytetit të qytetit fqinj të Irpin, i cili gjithashtu shërben si zëvendës komandant në Forcat e Mbrojtjes Territoriale të Ukrainës, ishte një nga njerëzit e parë që vizitoi Buchan pasi rusët u tërhoqën.
Ai dëgjoi rrëfime të shumta nga banorët për jetën në zona si rruga Yablonska, ku ishin vendosur një grup Kadyrovtsy që supozohej të përparonin në Kiev. Sipas Hurin, civilët ukrainas nuk ishin të vetmit njerëz që Kadyrovtsy dyshohet se masakroi në qytet. Hurin tha se banorët me të cilët foli në Borodyanka, e cila shtrihet në veriperëndim të Bucha, treguan se çfarë bënë Kadyrovtsy me ushtarët rusë të plagosur që sollën atje nga Bucha.
“Ata do të sillnin ushtarë rusë të plagosur rëndë në një spital të madh që kishin atje, dhe ata që ishin shumë të plagosur rëndë, ata thjesht do t’i qëllonin.”
Dhe askush tjetër përveç Kadyrovtsy nuk e bëri këtë”, tha ai bazuar edhe në dëshmi të dëshmitarëve okularë.
Të tilla dëshmi, konfirmojnë raportimet e mëparshme të përfaqësueses së Ukrainës për të drejtat e njeriut, Lyudmila Denisova. Sipas policisë së rajonit të Kievit, trupat e rreth 1,150 civilëve janë gjetur në të gjithë rajonin e Kievit që kur forcat ruse u tërhoqën në fund të marsit dhe në fillim të prillit.
Vetëm në Bucha, mbi 400 trupa janë gjetur deri më tani, shumica e të cilëve u vranë nga pushtuesit rusë të qytetit gjatë disa javëve në mars përpara tërheqjes së tyre nga qyteti më 1 prill.
Por rrëfimet si ajo e Juschenkos ofrojnë dëshmi se dhuna pa dallim ndaj civilëve ishte pjesë e masakrave ruse në Bucha që nga fillimi i luftës, me çeçenin Kadyrovtsy që luajti një rol kyç që në fillim të luftës- kundër banorëve vendas dhe ndaj tyre.
