Kryeministri Edi Rama e ka nisur këtë mëngjes duke publikuar pamjet nga infrastruktura e re e Syrit të Kaltër, e cila sipas tij ka ndryshuar rrënjësisht për këmbësorët dhe çiklistët. Rama thekson se Parku Natyror është zgjeruar me 290 hektarë.
“Mirëmëngjes dhe me infrastrukturën e re për këmbësorë e çiklistë që ka ndryshuar rrënjësisht rrugën turistike drejt Syrit të Kaltër, të cilit tashmë ia kemi zgjeruar zonën e mbrojtur, me statusin e Parkut Natyror prej 290 hektarë, ju uroj një fundjavë të mbarë”, shkruan Rama.
