Arrestohen pas shpërthimit me dy të vdekur drejtuesit e biznesit në Kanalaki të Prevezës si dhe punishtes së jashtme që kryente punimet e saldimit me oksigjen me rezultat tragjik.
Dy punëtorët që humbën jetën janë një 41-vjeçar nga Mytika e Prevezës dhe një 49-vjeçar nga Shqipëria.
Aksidenti tragjik i ndodhur në mesditë në një biznes akuakulture (fermë peshku) në Khokhla pranë Kanallaki në Prevezë, ka tronditur si ata që ndodheshin në biznes ashtu edhe zonën më të gjerë.
Dy grekë dhe shqiptari po kryenin punime saldimi elektrik, kur një 41-vjeçar grek nga zona e Prevezës dhe një 49-vjeçar shqiptar mbetën të plagosur për vdekje nga shpërthimi me një bombol gazi.
Ndërkohë që një tjetër 49-vjeçar i plagosur grek është dërguar në spitalin e Prevezës dhe po transportohet në spitalin Hatzikosta të Janinës.
Shpërthimi ka ndodhur në rrethana të panjohura teksa dy punëtorët fatkeq po tentonin të kryenin saldim elektrik.
Gjithçka ka ndodhur brenda pak minutash, ndërsa ngjarja tragjike mësohet se ka ndodhur për shkak të një shpërthimi në bombola gazi. Shpërthimi ka qenë aq i fuqishëm sa ka nxjerrë nga banesat banorët e zonave përreth. Në vendngjarje kanë mbërritur menjëherë autoambulancat e EKAV-it, zjarrfikëset dhe policia.
