Koreja e Veriut ka lëshuar një raketë balistike në ujërat në brigjet lindore të gadishullit korean, sipas zyrtarëve në Korenë e Jugut dhe Japoni.
Raketa me rreze të shkurtër u lëshua në orët e para të mëngjesit të sotëm nga zona Taechon e provincës së Pyongan-it të Veriut, sipas Shefit të Shtabit të Përbashkët të Koresë së Jugut (JCS).
Ai tha se ushtritë e Koresë së Jugut dhe ato amerikane po mbajnë “qëndrimin e plotë të gatishmërisë” dhe po bashkëpunojnë ngushtë pas lëshimit, të cilin e përshkroi si një “veprim të rëndësishëm provokues që dëmton paqen dhe sigurinë e Gadishullit Korean, si dhe komunitetin ndërkombëtar”.
JCS tha se lëshimi ishte një “shkelje e qartë” e rezolutës së Këshillit të Sigurimit të OKB-së dhe i bëri thirrje Koresë së Veriut që “të ndalojë menjëherë”.
Ky është lëshimi i 19-të i raketës këtë vit, sipas numërimit të CNN. E fundit ishte më 17 gusht.
Raketa kishte një distancë fluturimi prej rreth 600 kilometrash (370 milje), lartësi prej 60 kilometrash (37 milje) dhe shpejtësi prej rreth 5 Mach, sipas JCS. Agjencitë e inteligjencës të Koresë së Jugut dhe SHBA po analizojnë detaje të mëtejshme.
Ministri japonez i Mbrojtjes Yasukazu Hamada tha se raketa balistike mund të ketë fluturuar në një trajektore të parregullt./express/
