Një aksident ka ndodhur mëngjesin e sotëm në lagjen 16 të Durrësit, ku një shofere 38 vjeçare ka përplasur me makinë këmbësorin S.K, 58 vjeç i cili ndodhet në spital fatmirësisht jashtë rrezikut për jetën.
Njoftimi i Plotë:
Durrës/Informacion paraprak
Rreth orës 08:00, në lagjen nr. 16 Durrës, një automjet me drejtuese shtetasen B. M., 38 vjeçe, ka përplasur këmbësorin shtetasin S. K., 58 vjeç, i cili ndodhet nën kujdesin e mjekëve jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
