Ka disa ditë që në mediat online qarkullojnë disa fotografi ku ish-konkurrenti i “Për’puthenn”, Atdhe Xharavina shfaqet së bashku me bukuroshen Efi të “Për’puthen 3”.
Dyshja është kapur “mat” ndërkohë që shkonin në një dyqan në Tiranë dhe Efi provonte fustane, teksa Atdheu e shoqëronte.
Një ditë më parë, Atdheu ishte i ftuar në emisionin “Shqipëria Live” për një temë në lidhje me automjetet dhe makinat. Por dy prezantuesit Erjona dhe Flori nuk mund të rrinin pa i përmendur dhe lajmet e bujshme në lidhje me të edhe Efin.
Atdheut ju prezantua një titull i tillë: I dolën fotot me Efin, Atdheu deklaron se do martohet pas 4 muajsh (foto).
Ish-konkurrenti vendosi të sqaronte situatën, por pa dhënë detaje: “Nuk kam deklaruar se do martohem pas 4 muajsh, Efin e kam shoqe”.
Fakti që qarkullojnë lajmet se Atdheu do të martohet pas 4 muajsh vijnë nga 1 koment që ai i ka bërë Arjan Konomit, kur ky i fundit rikujtonte një dhuratë që ka marrë prej Atdheut dhe shkruante se do t’ia kthente kur të martohej konkurrenti.
