Shpallja e ish-kryeministrit Sali Berisha si person “non-grata” nga Shtetet e Bashkuara është diskutuar në Parlamentin Europian gjatë amendamenteve në lidhje me progres-raportin e Shqipërisë për vitin 2021.
Dy deputetë të Parlamentit Europian e kanë prekur këtë çështje, duke shprehur surprizë, por edhe mbështetje ndaj angazhimit të SHBA-së në Ballkanin Perëndimor.
Eurodeputeti Thomas Ëaitz është shprehur se Bashkimi Europian e mbështet angazhimin e SHBA-ve në Ballkanin Perëndimor, kryesisht në luftën kundër korrupsionit dhe në sanksionimin e atyre personave që rrezikojnë destabilizimin e vendit.
“Parlamenti Europian mirëpret angazhimin e rinovuar konstruktiv të SHBA-së në Ballkanin Perëndimor, duke përfshirë fokusin e tyre në luftën kundër korrupsionit; nënvizon në këtë kontekst Urdhrin Ekzekutiv të SHBA-së, i cili vendos sanksione ndaj personave që kontribuojnë në situatën destabilizuese në Ballkanin Perëndimor, si dhe veprimi i SHBA-së që synon individët dhe subjektet për aktet e tyre të rëndësishme të korrupsionit. Parlamenti Europian i bën thirrje BE-së që të vlerësojë tërësisht një përafrim të mundshëm me veprime të tilla”, është shprehur ai.
Por eurodeputeti francez Thierry Mariani është shprehur “i befasuar” me akuzat e korrupsionit ndaj Berishës.
“I befasuar me akuzat për “korrupsion” të bëra nga Sekretari amerikan i Shtetit kundër ish Presidenti Sali Berisha, për shkak të fakti që ai deklaroi George Soros si a persona non grata në Shqipëri për shkak të përpjekjet e tij për të ndërhyrë në vend reformat në drejtësi”, shkruhet në raport
